Давж заалдах шатны шүүх хуралдаанд Ц.Хулан, Б.Отгонбаатар нар оролцсон. Өнөөдрийн хуралдаан Ц.Хулан болон түүний өмгөөлөгч нарын хүсэлтээр шүүх хуралдааныг хойшлуулжээ. Харин шүүгдэгч талаас энэ сарын 25-ныг хүртэл хэргийн материалтай танилцах хүсэлт гаргасан байна.

   Хэргийг эргэн сануулбал, яруу найрагч Ц.Хуланг гадаадын тагнуулын алба, иргэнтэй хууль бусаар хамтран ажилласан гэх зүйл ангиар буруутган цагдан хориод байгаа. Тэрбээр 2017 онд Монгол Улсын Ерөнхийлөгч асан Х.Баттулгын Соёл, шашны бодлогын зөвлөхөөр томилогдон ажиллаж байсан билээ.