Дорноговь аймгийн Сайншанд сумаас сураггүй болсон 12 настай охиныг авч явсан байж болзошгүй Г.Гантулга гэх иргэнийг Өмнөговь аймгийн Манлай сумын нутаг дэвсгэрээс баривчилсан байдаг. Тухайн этгээдийг тус сумын нутаг дахь Батын цайны газраас тээврийн жолооч нар саатуулсан байдаг. Тэрбээр цайны газар саатуулагдах үедээ гэдэс рүүгээ хоёр удаа хайчаар дүрч, өөрийгөө гэмтээсэн гэх мэдээлэл бий. Түүнд анхан шатны тусламж үзүүлсэн Өмнөговь аймгийн Манлай сумын Х.Гэрэлт-Од эмчээс зарим зүйлийг тодрууллаа.

    Тэрбээр “12 настай охиныг хулгайлсан байж болзошгүй Г.Гантулга гэх этгээдэд стандартын дагуу анхан шатын тусламж үзүүлсэн. Ингэхдээ цус алдалтыг нь намдааж, оёдол тавьсан. Түүнд анхан шатны тусламж үзүүлсэний дараа цагдаа нар авч явсан. Цагдаа нар намайг олон нийтэд мэдээлэл өгч болохгүй гэсэн учир өөр дэлгэрэнгүй зүйл ярих боломжгүй байна” гэлээ.