Эрүүгийн цагдаагийн алба болон АТГ-аас Допингийн эсрэг үндэсний төвийн тэргүүн Ж.Хатанбаатарын гэр болон албан өрөөнд нэгжлэг хийж, бэлнээр хадгалж байсан 140 сая төгрөгийг нь хураан авсан байдаг.  Мөн тэрбээр бөхчүүдийн шинжилгээний хариуг өөрийн цахим хаягаар авч, нэр бүхий бөхчүүдээс авлига авч байж болзошгүй нөхцөл байдал тогтоогдоод шалгалтын ажиллагааг явуулж байна. Үүнтэй холбоотойгоо бөхчүүд өөрийн цахим хаягтаа допингийн талаар байр сууриа илэрхийлсэн байдаг. Тухайлбал, улсын начин Д.Цэрэнтогтоход “Би чамаас допингийн шинжилгээ авч байсан. Одоо ах нартайгаа нийлээд шүгэл үлээе дээ. Чиний шээсийг сольсон хариуцлагаа би өөрөө хүлээнэ ээ. Баримт нь бэлэн болохоор удахгүй тавина. Эр хүн шиг түрүүлээд хэллээ шүү. Тухайн үед болсон бүх зүйлд би буруутай. Би нэг ч төгрөг аваагүй мөртлөө дуугүй л тэдний үгэнд орсон. Үүнийг удаан хадгалж чадахгүй нь ээ. Хуягаа начин шүгэл үлээгээд эхэлчихсэн” гэх зурвас ирсэн байдаг. Д.Цэрэнтогтох начин түүнийгээ олон нийтийн сүлжээнд байршуулж, өөрийгөө зарлаж, хэргээ хүлээхийг нь хүлээж суугаа тухайгаа бичсэн байдаг. Тэгвэл Д.Цэрэнтогтох начин руу Од Одгий гэх хаягнаас явуулсан байдаг.