ЗУРХАЙ: Үс шинээр засуулбал өвчин ирнэ

2023-10-05, 272

Намрын дунд цагаагчин тахиа сар
Найман цагаан мэнгэтэй улаан бич өдөр

Аргын тооллын: 2023 аравдугаар сарын 5, Пүрэв гараг
Наран ургах шингэх: 06:56-18:25
Үс засуулбал: Өвчин ирнэ
Шүтэн барилдлага: Нэр өнгө

Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Өдрийн сайн цаг нь хулгана, үхэр, луу, могой, хонь, нохой болой. Эл өдөр санасан хэрэг түргэн бүтнэ. Бүтээл үйлдэх, тус чухалчлах, хэл ам дарах, башир, хатуу, түргэн үйлнээ сайн, үйл буруутгах, ламд золгох зэрэг цагаан зүгийн үйлэнд сайн. Баруун нүд татвал холын сураг сонсох, зүүн нь татвал эд олдох, баруун чих хангинавал ундаа олдох, зүүн чих хангинавал түлэгдэх, нохой уливал үхсэний сураг сонсох, хэрээ дуугарвал нөхөртэй учрах, тагнай загатнавал хувцас олдох, бие татвал эцэг, эхэд муу. Хөл татвал хэрүүл, тэмцэл гарах муу ёр болой.

ЗУРХАЙ: Үс шинээр засуулбал өвчин ирнэ