Хүүхдийн тусламжийн 108 утасны үйлчилгээний төвийн захирал М.Отгонгэрэл цаг үеийн асуудлаар мэдээлэл өглөө.

      Тэрбээр “108 төвийн утсанд хоногт дунджаар 40-50 дуудлага бүртгэгдэж байна. Есдүгээр сарын 30-ны байдлаар 7096 хүүхэд хамгааллын үйлчилгээ шаардлагатай хүүхдийн дуудлага мэдээлэл бүртгэгдсэн байна. Үүний 75 хувь нь нийслэлийн есөн дүүргээс ирсэн байдаг. Үүнээс 2501 дуудлага буюу 35.2 хувь нь  бие махбодын хүчирхийлэлд өртсөн, 23.8 хувь буюу 2691 нь үл хайхрах хүчирхийлэлд өртсөн, 23.5 хувь буюу 1671 нь сэтгэл санааны хүчирхийлэлд өртсөн дуудлага байна. Есдүгээр сард хүүхдүүд бие махбодын хүчирхийлэлд өртөх, үе тэнгийн хүчирхийлэлд өртөх нь нэмэгдэж, энэ төрлийн дуудлага 2.3 дахин өссөн байна. Үүний гол шалтгаан нь, эцэг, хүүхдэдээ тавих анхаарал, халамж нэн бага байна. Бага насны хүүхдүүдийг өсвөр насны хүүхдүүдэд харуулж үлдээх буюу хүүхдийг хүүхдээр нь харуулах нь тэднийг эрсдэлд оруулж байгаа юм. Мөн хамаатныхаа хүнээр хүүхдээ харуулж үлдээх нь хүүхдийг бие махбодын хүчирхийлэлд өртөхөд хүргэдэг.

      Өчигдөр бага насны хоёр хүүхэд гэртээ цоожлогдож үлдсэний улмаас цонхоороо унаж, амиа алдсан харамсалтай хэрэг гарсан. Төрийн байгууллага болон хүүхэд тусламжийн 108 төвийн зүгээс болон эцэг, эхчүүд хүүхдэдээ тавих анхаарал халамжаа сайжруулж, хүүхдийнхээ орчны эрсдэлийг холбогдох хууль дүрмийн хүрээнд үнэлж үзэх хэрэгтэй байна” гэлээ.

Б.Сувданзаяа