Бизнес эрхлэгч эмэгтэйчүүдийн санхүүгийн хурдасгуур хөтөлбөрөөс шалгарсан оролцогч Сингапур явна

2023-10-03, 561

Монголын Тогтвортой Санхүүгийн Хөгжлийн Холбоо (ТоС Холбоо), Худалдаа, хөгжлийн банк хамтран Азийн сангийн Эмэгтэйчүүдийн эдийн засгийн чадавхыг бэхжүүлэх хөтөлбөрийн дэмжлэгтэйгээр хэрэгжүүлсэн “Бизнес эрхлэгч эмэгтэйчүүдийн санхүүгийн хурдасгуур хөтөлбөр” амжилттай хэрэгжиж өндөрлөлөө.

2023 оны 3-9 сарын хооронд хэрэгжсэн уг хөтөлбөрийн хүрээнд 25 эмэгтэй бичил, жижиг бизнес эрхлэгчийг шалгаруулсан бөгөөд дөрвөн гол агуулгын хүрээнд хөтөлбөрийг зохион байгууллаа. Тус арга хэмжээний гол зорилго нь бичил, жижиг бизнес эрхлэгч эмэгтэйчүүдэд санхүүгээ удирдахтай холбоотой мэдлэг, чадвар, туршлагыг олгох замаар банк, санхүүгийн байгууллагын шаардлагад нийцэх хүртэл нь чадавхжуулах зорилготой билээ.

2023 оны есдүгээр сарын 28-ны өдөр хөтөлбөрийн хаалтын үйл ажиллагаа зохион байгуулагдлаа. Хөтөлбөрт амжилттай хамрагдсан 9 оролцогч өөрсдийн бизнес, хөтөлбөрийн хугацаанд сурсан зүйлсээ танилцуулсан бөгөөд ТоС Холбоо, ХХБ, Азийн сан, BPN байгууллагын төлөөллөөс бүрдсэн шүүгчдийн баг нэг оролцогчийг тодруулан ТоС Холбооноос 11-р сард Сингапур улсад зохион байгуулах туршлага судлах аялалд 100 хувийн хөнгөлөлттэй хамрагдах эрхийн бичгээр шагналаа. Хөтөлбөрт идэвх зүтгэлтэй хамрагдсан нийт оролцогчдодоо талархал илэрхийлж, амжилт хүсье.

ТОГТВОРТОЙ ХӨГЖИЛД ХАМТДАА

ХУДАЛДАА ХӨГЖЛИЙН БАНК

Бизнес эрхлэгч эмэгтэйчүүдийн санхүүгийн хурдасгуур хөтөлбөрөөс шалгарсан оролцогч Сингапур явна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.