Дорнод аймгийн Хэрлэн сумын II  баг нутаг дэвсгэрээс алга болсон долоон настай хүүгийн цогцсыг хууль хяналтын байгууллагынхан олжээ.

       Энэ талаар ЦЕГ-ын хэвлэл мэдээллийн мэргэжилтэн, ахмад Э.Энхзаяагаас тодрууллаа. Тэрбээр “Цагдаагийн байгууллагад есдүгээр сарын 26-ны өдрийн 21:00 цагийн орчимд долоон настай хүү алга болсон гэх дуудлага мэдээлэл ирсэн. Эрэн сурвалжлах ажиллагааны хүрээнд авагдсан мэдээллийн дагуу есдүгээр сарын 28-ны 16:00 цагийн орчимд тус аймгийн Хэрлэн сумын нутагт байрлах Хөгшир гэх газрын ойролцоо, Хэрлэн голоос 400 метрийн орчимд зайнаас хүүг нас барсан байдалтай олсон харамсалтай хэрэг гарсан.  Энэ хэрэгт 34 настай эрэгтэй Б гэгчийг холбогдуулан  эрүүгийн хэрэг үүсгэн шалгаж байна” гэлээ.