БНХАУ руу зорчигч тээврийн галт тэрэг нэвтэрч эхэлсэнтэй холбоотойгоор хориотой эд зүйл хил давуулах гэмт үйлдэл идэвхижиж байгаа аж. Тухайлбал, энэ сарын 1,2-ны өдөр Дорноговь аймгийн Замын-Үүдийн боомтоор ховор төрлийн эртний хүрэл толь болон 4.1 килограмм алт галт тэргэнд нууж, хууль бусаар хил давуулахыг завджээ. Хоёр өдөр дараалан үйлдэгдсэн эртний эдлэл, их хэмжээний алт гаргах гэсэн оролдлогыг Замын-Үүдийн гаалийн байцаагч нар илрүүлж, хэргийг хуулийн байгууллагад шилжүүлээд байна.