ХУД-ийн 18 дугаар сургуулийн нэг ангийн 21 сурагч бөөлжиж, суулгах  шинж тэмдэг илэрч эмнэлэгт хүргэгдсэн талаар бид мэдээлсэн.

        Тодруулбал, 18 дугаар сургуулийн  "Монгол бизнес" дээд сургуулийн байранд хичээллэж буй зургадугаар ангийнхан 17:00 цагийн үед бөөлжиж, суулгасан гэх дуудлага өгч эмнэлэгт ханджээ.  Дуудлагын дагуу ХУД-ийн Нийгмийн эрүүл мэндийн газар болон цагдаагийн бие бүрэлдэхүүн сургууль дээр очиж, нөхцөл байдлыг тодруулахаар ажиллаж байна.

        Хордлого илэрсэн гэх тухайн ангийг цагдаагийн байгууллага битүүмжлэн шинжилгээ хийж байна. Шинжилгээтэй холбоотойгоор 18 дугаар сургууль цахимаар хичээллэж байгаа юм. Урьдчилсан байдлаар сурагчид газ үнэрлэсэн байж болзошгүй гэж үзэж байгаа аж.