“Нүүрсний” гэх тодотголтой хэрэгт яллагдагчаар татагдсан УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох хэргийн урьдчилсан хэлэлцүүлгийн шүүх хурал өнөөдөр болж байна.

Энэ үеэр Прокурор н.Даваадорж өмгөөлөгчдийн тавьсан гомдол, хүсэлтэд хариулт өглөө. Тэрбээр “Яллагдагч Б.Ганхуягийг нотлох баримт дээр тулгуурлаж яриасай гэж хүсэж байна. Б.Ганхуягийг  үндэслэлгүй хөрөнгөжсөн, бусдад давуу байдал бий болгосон. Багцалбал 50 гаруй тэрбум төгрөгийг асуудал яригдаж байгаа. Өмгөөлөгч Н.Цэцэгмаагаас Т.Аюурсайханд хэлсээр нотлох баримтгүйгээр эргүүгийн хэрэг үүсгэж хэрэгт татсан тул хэрэгсгэхгүй болгож өгнө үү гэсэн агуулга бүхий гомдол ирсэн. Гомдлын хүлээж авахаас татгалзсан. Мөн өмгөөлөгч Ц.Нямдоржоос хэргийг хэрэгсэхгүй болгох, үндэслэлгүйгээр хөрөнгөжсөн үнийн дүнг нарийвчлан тогтоох, хэрэгт нэмэлт ажиллагаа хийлгэх гомдлыг хүлээн авч хянаад мөрдлөгийн явцад бүрдсэн нотлох баримтуудаар хэргийг хэрэгсгэхгүй болгох үндэс тогтоогдоогүй тул татгалзсан.

Хэрэг зургадугаар сард шүүхэд шилжүүлэх саналтай прокурорын хяналтад ирэхэд нэмэлт мөрдөн шалгалт ажиллагаа хийлгэхээр мөрдөн байцаалт руу буцаан шилжүүлсэн. Ингэхдээ нотолбол зохих байдлыг бүрэн тогтоох шаардлагатай байна гэж буцааж шийдсэн. Прокурорын зүгээр сүүлд хэрэг шүүхэд шилүүлэх саналтай ирэхэд Эрүүгийн хууль хянан шийдвэрлэх хуулийн заалтуудыг  үндэслээд нотлох баримт бүрэн гэж үзээд шүүхэд шилжүүлсэн. Энд мөрдөн байцаалтад буцаах үндэслэл тогтоодохгүй байна. Иймд өмгөөлөгчдийн хүсэлтийг хангахаас татгалзаж өгнө үү гэсэн саналтай байна”гэв.

               “Нүүрсний” гэх тодотголтой хэрэгт яллагдагчаар татагдсан УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох хэргийн урьдчилсан хэлэлцүүлэг гурав дахь удаагаа болж өндөрлөлөө. Шүүх бүрэлдэхүүн Т.Аюурсайхан, Б.Ганхуяг нарын 11 хүнд холбогдох хэргийн гэм буруугийн хэргийг шүүхэд шилжүүлэв. Гэм буруугийн шүүх хуралдаан есдүгээр сарын 28-ны 14:00 цагт товлов.