“Нүүрсний” гэх тодотголтой хэрэгт яллагдагчаар татагдсан УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох хэргийн урьдчилсан хэлэлцүүлгийн шүүх хурал өнөөдөр болж байна. Энэ үеэр Т.Аюурсайханы өмгөөлөгч Б.Гэрэл-Очир урьдчилсан хэлэлцүүлэгт тавих санал хүсэлтээ хэллээ.

      Тэрбээр “Эрүүгийн хууль хянан шийдвэрлэх тухай хуульд заагдсаны дагуу хэрэг бүртгэл мөрдөн байцаалтын явцад оролцогчийн эрхийг зөрчсөн, хууль бусаар хязгаарласантай холбоотойгоор гомдол, нэмж мөрдөн шалгалт хийлгэх тухай болон яллагдагчаар татсан тогтоол ойлгомжгүй талаар гомдол гэсэн шүүхийн урьдчилсан хэлэлцүүлэг хийх хүсэлт гаргасан. Гомдол гаргах эрхийг болон хэргийг татаж шалгах журмыг зөрчсөн. Т.Аюурсайханы гаргасан хүсэлт гомдлыг хүлээж авч, шийдвэрлэдэггүй. Орлого орсон бол зардлыг харалгүйгээр үндэслэлгүйгээр хөрөнгөжсөн гэж үзсэн. Хоёр шинжээчийн дүгнэлтийг дахин шалгах хэрэгтэй. Хүмүүстэй хамтарч ашиг олсон гэж байгаа бол хэдэн төгрөгийн ашиг олсон талаар нь шалгаж гаргах хэрэгтэй” гэв.