“Нүүрсний” гэх тодотголтой хэрэгт яллагдагчаар татагдсан УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох хэргийн урьдчилсан хэлэлцүүлгийн шүүх хурал өнөөдөр болж байна.

        Энэ үеэр Т.Аюурсайханы өмгөөлөгч П.Баасанжав урьдчилсан хэлэлцүүлэгт тавих санал хүсэлтээ хэллээ. Тэрбээр “Үндэслэл бол мөрдөн байцаалтын яллах дүгнэлтэд зайлшгүй хийх ёстой. Өөрөөр хэлбэл үндэслэлгүй хөрөнгөжсөн гэдэг асуудал ярихын тулд үнэлгээний асуудал яригдана. Шинжээчийн дүгнэлт гаргах асуудал бол Эрүүгийн хуулийн хянан шалгах ажиллагааг ноцтойгоор зөрчсөн. Эрүүгийн хуульд шинжилгээ хийх хүний томилдог. Гэтэл Т.Аюурсайханы хэрэг дээр шинжээчээр томилогдоогүй этгээдүүд дүгнэлт гаргасан байсан. Мөн хөрөнгийн үнэлгээ дээр тодорхой шаардлага тавьдаг. Хөрөнгийн шинж чанарыг тодорхойлоогүй, шинжлээгүй. Т.Аюурсайханыг яллагдагчаар татахдаа 338.1 сая төгрөгийг гүйлгээг тайлбарлаж чадаагүй гэсэн. Гэхдээ үүнийг өөрсдөө шалгаагүй. Зөвхөн дансны орлогыг баримтыг шалгачхаад ялласан. Хаашаа зарлагдсаныг шалгаагүй. Энэ 338.1 сая төгрөг зүчээ барихад зарцуулсан мөнгө. Тус зүчээтэй холбоотойгоор яллачхаад дахиад сайн шалгалгүйгээр давхцаж яллаж байна. 31 хуудас дансны гүйлгээний баримт, 56 гэрэл зураг,  БХБЯ гаргасан 43 хуудас эрхийг актуудыг нотлох баримтаар гаргаж байна. Иймд Т.Аюурсайханд холбогдох хэргийг прокурорын байгууллагат шилжүүлж өгнө ү гэсэн хүсэлт тавьж байна” гэв.