“Нүүрсний” гэх тодотголтой хэрэгт яллагдагчаар татагдсан УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох хэргийн урьдчилсан хэлэлцүүлгийн шүүх хурал өнөөдөр болж байна.

       Шүүгч Т.Аюурсайханы тавьсан хүсэлтэд хариулт өглөө. Тэрбээр “Өмнө нь Т.Аюурсайхан нэр томьёогоор томьёолж нэрлэж байгаа нь миний эрх ашгийг хөндөж байна гэж хүсэлт тавьж байсан. Үүнийг тамгын газрын дарга болон хэвлэл мэдээллийн мэргэжилтнүүд болон туслах мэргэжилтнүүдэд ямар нэгэн хэргийг нэр томьёогоор томьёолохгүй байхыг анхааруулсан. Үүнээс хойш энэ алдаа гарсан гэж би үзэхгүй байна. Яагаад гэвэл ийм зөрчил гарсан талаар мэдээлэл надад ирээгүй. Тиймээс хүсэлт хангагдсан гэж үзэж байна”гэв.