Нийслэлийн Засаг дарга бөгөөд Улаабаатар хотын захирагч Д.Сумъяабазар цаг үеийн асуудлаар мэдээлэл өглөө.

                Тэрбээр “Шууд нэг дор олон шугамтай метро байгуулна гэдэг хэцүү. Эхний ээлжид мэргэжлийн байгууллагуудтай хамтарч эхний шугамыг байгуулахыг зорилт болгон бэлтгэлээ хангаж байна. Ер нь Улаанбаатар хотын нийтийн тээвэр, метро тэр дундаа орон сууцны дулаан эрчим хүчний дутагдал, гэр хорооллыг орон сууцжуулах зэрэг томоохон төлөвлөлтийг цогц байдлаар шийдэхээр тогтоолын төслийг өнгөрсөн долоо хоногт Засгийн газарт өргөн барьсан. Мэдээж метроны эхний шугам шинэ нисэх онгоцны буудлын хурдны замаас эхэлнэ. Тэгээд хойшоо долоон буудал руу чиглэхээр төлөвлөж байна.  Газар доогуур явах эсэх төлөвлөлтийг нь судалж байна. Тэгэхээр эхний танилцуулсан техник эдийн засаг 50 орчим сая ам доллар байсан, нэмэгдээд нэг тэрбум орчим болох байх. Тэгээд хэлэлцээрт орж, шийдэл хүрнэ. Гэхдээ энэ нь улсын төсвөөс гарахгүй. Дорноговь аймаг дахь уурхайг Улаанбаатар хот хамтран эзэмшиж, төсвөөс мөнгө гаргахгүй байх.

     Хоёрдугаарт нийтийн тээврийн чанар хүртээмжийг нэмэгдүүлэхэд бид томоохон шийдлийг гаргах хэрэгтэй. Бодит байдлыг хэлэх ёстой. 2019 онд “Автобус III” бааз компанийг СХД-ийн 22-р хороонд руу нүүлгэх шийдвэр гараад газрыг дуудлага худалдаанд оруулсан. Шинэ газар барилга байгууламж барих тендерт 12-13 компани шалгаруулсан. Тус компаниуд нь хөл толгойгоо олохгүй, хоорондын уялдаа холбоогоо мэдэхгүй учраас нийтийн тээврийн ажил урагшлахгүй. Цар тахлын үед замхарсан. Харин одоо тэдэнтэй хариуцлага тооцох талаар ажиллаж, хугацааг шахаж байна. Тэгээд бүх юмыг хотын удирдлага руу чихэх санаатай. Гэхдээ өөрсдөө тендер хөрөнгийг нь аваад алга болчихсон. Улсын мөнгөөр авсан автобусыг нь буцааж авах, авто базз байгуулах тал дээр анхаарна.Яагаад 2017 онд нийтийн тээврээр үйлчлүүлэх иргэдийн тоо 60 хувь байсан бол 2022 онд 34 хувь хүртэл буурав. Яагаад цэвэрлэгээ үйлчилгээ хийхгүй, бохир заваан байгаа юм. Энэ асуудлаар хувийн хэвшлүүдэд өндөр шаардлага тавина.  Энэ дээр бид бодлогоо сайжруулж ажиллана.” гэлээ.