Улаанбаатар хот 11 дүгээр хороо  Богдхан-Уулын Хүрхрээгийн-Амны автозамд хоёр автомашин мөргөлдөж автомашины эд ангид хүн хавчуулагдсан тухай дуудлагыг  есдүгээр сары 18-ны өдрийн 10:00 цагт хүлээн авчээ.

           Нийслэлийн Аврах ангийн алба хаагчид 15 км замыг туулан 10:18 цагт очиход Приус-30 загварын суудлын автомашин, Приус-20  загварын суудлын автомашинтай мөргөлдөж иргэн 18 настай эрэгтэй М, 45 настай  эмэгтэй Б, 27 настай эмэгтэй Л, 18 настай, эмэгтэй  Э, 18 настай, эрэгтэй  М, 20 настай, эрэгтэй Э, 20 настай, эрэгтэй Б  нар хүнд гэмтсэн байсныг эмнэлгийн анхны тусламж үзүүлэн ГССҮТ-д  тээвэрлэн хүргэсэн.

          Иргэн 74 настай, эрэгтэй  Б  автомашины эд ангид хавчуулагдан нас барсан байсан тул цогцсыг гарган, иргэн 20 настай, эмэгтэй Ү-д эмнэлгийн анхны тусламж үзүүлэх үед нас барсан тул цогцсыг нийслэлийн Тээврийн Цагдаагийн газрын мөрдөгчид хүлээлгэн өгсөн.