Уламжлал болгон зохион байгуулдаг номын баяр арга хэмжээ Төв талбайд гурав дахь өдрөө үргэлж байна. УИХ-ын дарга Г.Занданшатарын ивээл дор зохион байгуулдаг тус арга хэмжээнд иргэн, аж ахуйн нэгж байгууллагуу номын үзэсгэлэн худалдааг зохион байгуулахаас гадна төрийн бус байгууллага, иргэний нийгмийн байгууллагууд иргэдэд мэдээлэл олгох арга хэмжээ, үйл ажиллагааг зохион байгуулдаг уламжлалтай. Тэгвэл энэ удаагийн арга хэмжээнд “Сонгогчдын боловсрол” Төрийн бус байгууллага "Оролцоно, Төлөөлнө" амлалтын аянаар оролцож, сонгууль хүйсийн тэгш хариулцаатай оролцох талаар мэдээлэл түгээж байна. 

Бид тус аяны талаар “Сонгогчдын боловсрол” ТББ-ын төслийн менежер Д.Элбэрэлээс тодрууллаа.

            Тэрбээр “Манай “Сонгогчдын боловсрол” ТББ үйл ажиллагаагаа явуулаад 30 гаруй жил болсон байна. Сүүлийн жилүүдэд залуучууддаа сонгогчдын боловсрол, ардчиллын боловсролын талаар мэдээлэл олгох, түгээх тал дээр анхаарч ажиллаж байгаа. Энэ удаагийн “Номын баяр”-ын өдөрлөгт “Оролцон төлөөлье” аяныхаа хүрээнд оролцож байна.  Сонгуульд  хариуцлагатай, мэдрэмжтэй байх шаардлагатай бидэнд бий. Тэр тусмаа хүйсийн тэгш эрхийг хангах тал дээр бид мэдээлэл мэдлэг өгөх зорилготой ажилладаг. "Үндсэн хуулиар олгогдсон эрхээ хариуцлагатай ашиглая" гэх уриалгыг нийтэд түгээхээр ажиллаж байна.

      Та бүхэн манай 99 дүгээр асарт зочилж, шийдвэр гаргах түвшинд хүйсийн тэгш байдал, эмэгтэйчүүдийн оролцооны талаар мэдээлэл авах, “Дата үзэсгэлэн” үзэх, “Хариуцлагатай сонгогч”-ийн болон “Шийдвэр гаргах үйл явцад эмэгтэйчүүдээ дэмжье” аянд нэгдэх, хөгжөөнт тоглоом тоглох, сонирхолтой сонжоо бөглөх, явуулын номын сангаар үйлчлүүлэх боломжтой. Мөн идэвх, оролцоогоо үнэлүүлж, урамшууллын бэлэг аваарай. Эмэгтэйчүүдийн манлайллыг дэмжих аянд идэвхтэй оролцож байгаа хүмүүст баярлалаа” гэлээ.