Цаг уур орчин шинжилгээний газраас мэдээлсэн тав хоногийн урьдчилсан мэдээг хүргэж байна.  Энэ сарын 16-нд нутгийн хойд хагаст, 17-нд баруун болон зүүн аймгуудын нутгийн зарим газар, төвийн аймгуудын ихэнх нутаг, говийн аймгуудын нутгийн хойд хэсгээр, 18-нд төв, говь, зүүн аймгуудын нутгийн зарим газраар, 19-нд зүүн аймгуудын нутгийн зүүн хэсгээр бороо, уулаараа нойтон цас орно.

      Салхи ихэнх хугацаанд секундэд 6-11 метр, 16, 17-нд говь, талын нутгаар секундэд 13-15 метр хүрч ширүүснэ. Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр шөнөдөө -3...-8 хэм хүйтэн, өдөртөө +6...+11 хэм, Их нууруудын хотгор, говийн бүс нутгийн хойд хэсгээр шөнөдөө +3...+8 хэм, өдөртөө +14...+19 хэм, говийн бүс нутгийн өмнөд хэсгээр шөнөдөө +8...+13 хэм, өдөртөө +19...+24 хэм, бусад нутгаар шөнөдөө -2...+3 хэм, өдөртөө +11...+16 хэм дулаан байна. 19-нд ихэнх нутгаар өдөртөө бага зэрэг дулаарна.

Улаанбаатар хотод бямба гаригт өдөртөө 12 хэм дулаан, бага зэргийг бороотой. Ням гаригт өдөртөө 10 хэм дулаан, бага зэргийн бороотой.