ЭМХТ-ийн ЭЭЭШС Албаны Донорын асуудал хариуцсан мэргэжилтэн Б.Алтантулга донор эрхтэн шилжүүлэх мэс заслын талаарх мэдээлэл өглөө.

         Тэрбээр “Амьгүй донор ирж, батлагдсан тохиолдолд гэр бүлтэй нь уулзаж ярилцаад гэр бүлийн гурван хүний гарын үсэгтэй зөвшөөрөл авдаг. Тус зөвшөөрлийг авахдаа бүгдийг нь тайлбарлаж өгдөг. Ар гэрт нь хэлэлгүйгээр эрхтэн авах боломж, нөхцөл байхгүй. Эрхтэн  донор болгох зөвшөөрөл авахдаа дунд чөмөг гэж бичсэн байвал дунд чөмгийг нь бүгдийг авна гэсэн үг биш. Зөвхөн дунд чөмөгний булууны хэсгийг нь авна. Тэр хэсгийг авахын тулд ойр  байх ясыг шөрмөсөөр бэхэлсэн байдаг энэ бүгдийг нь хамт авч байж, өвчтөнд эрхтэн шилжүүлж суулгана гэсэн үг. Нэг эрхтэн шилжүүлэх мэс засалд ойролцоогоор 50-60 эмчийн бүрэлдэхүүнтэй баг ордог. Зүрх зогсоод таван минутын дараа гэхэд бусад эд эрхтний үйл ажиллагаа бүрэн зогсдог. Тиймээс хагалгааны дараа нэмж биеэс эрхтэн авах боломжгүй" гэв.