"Баавгай болохсон" уран сайхны кино Канад Улсын Ванкүверийн олон улсын кино наадам болон Калгарийн олон улсын кино наадамд шалгарч зэрэг нээлт хийхээр болжээ.

                Дэлхийн А зэрэглэлийн хамгийн том кино наадам болох Францын Каннын кино наадамд монгол найруулагч П.Золжаргалын "Баавгай болохсон" кино өнгөрсөн дөрөвдүгээр сард албан ёсоор сонгогдсон. "Баавгай болохсон" уран сайхны кино нь П.Золжаргалын зохиолч, найруулагч, продюсерээр ажилласан анхны бүрэн хэмжээний кино бөгөөд мөн зураглаач Д.Давааням, Ко-продюсер С.Батхишиг, продакшн дизайнер Ц.Ариунтөгс, хөгжмийн зохиолч Жоанни Куртет нарын анхны бүрэн хэмжээний кино бүтээл билээ. "World of Location" сэтгүүлд 76 дахь Каннын олон улсын кино наадамд Монгол Улсаас анх удаа "Un Certain Regard" төрөлд нэр дэвшсэн "Баавгай болохсон" киноны тухай нийтлэгдсэн юм.