Засгийн газрын хуралдаанаас гаргасан шийдвэрүүдийг танилцуулж байна. Энэ үеэр Зам, тээврийн хөгжлийн сайд С.Бямбацогт шинэ авто тээврийн төвийн талаар мэдээлэл өглөө.

Тэрбээр “Монгол Улсын Ерөнхий сайд  Дундговь аймагт ажилласан.  Ажиллах үеэрээ зам засварт ашиглах 400  сая төгрөгийг Засгийн газын нөөц хөрөнгөөс гаргах шийдвэр гаргасан. Драгон тээврийн үйлчилгээний төв 20  жил үйл ажиллагаа явуулсан. Энэ хугацаанд олон гомдол хүлээж авсан. Үүнийг үе үеийн зам тээврийн сайд, хотын удирдлагууд шийдэх гээд чадаагүй. Хэл ам гарна гэж айдаг байсан юм билээ. Драгон автовокзалаар дамжиж жилдээ 8000 гаруй иргэн зорчиж байгаа. Тус иргэдийг ая тухтай зорчуулмаар байна. Иргэдийн эрх ашгийг бодох ёстой учраас авто тээврийн үндэсний төвд чиглэл өгсөн. Үүний дагуу сонгон шалгаруулалт зарлаж, Номин компанийн газрыг сонгож гэрээ хийсэн юм билээ. Миний хувьд гэрээ хийх газрыг зааж өгөөгүй. Хууль зөрчсөн эсэхийг нь хуулийн байгууллага шалгах байх. Иргэд шинэ  авто тээврийн төвд сэтгэл хангалуун байна лээ. Хувийн ашиг орлогыг бодсон хүмүүс л сэтгэл дундуур учраас зохион байгуулалттай гүтгэлэг тарааж байна. Миний хууль зөрчсөн гэх баримт гарч ирвэл би хуулийн дагуу шийтгүүлнэ” гэв.