Засгийн газрын хуралдаанаас гаргасан шийдвэрүүдийг танилцуулж байна. Энэ үеэр Зам, тээврийн хөгжлийн сайд С.Бямбацогт мэдээлэл өглөө.

   Тэрбээр “Монгол Улсаас Америкийн Нэгдсэн Улс руу шууд нислэг үйлдэх боломжтой боллоо. Өнгөрсөн наймдугаар сард Ерөнхий сайд Л.Оюун-Эрдэнэ АНУ дахь айлчлалын үеэр шууд нислэг үйлдэх хэлэлцээр байгуулсан. 2002 оноос хойш хоёр улсын хооронд шууд нислэгтэй болох талаар ярилцаж, хэлэлцсэн. АНУ-Монгол Улсын хооронд нислэг үйлдэхэд 30-50 цаг зарцуулдаг, тийзийн үнэ 2000-4000 ам долларын үнэтэй байсан. Харин шуу д нислэг үйлдэх боломжтой болсноороо тийзийн үнийг 1000-1500 ам.доллар болгож, нислэгт зарцуулах хугацааг 10-12 цаг болгож байгаа. Эхний ээлжид Сан  Франциско хот руу нислэг үйлдэнэ. Цаашид нислэгийн чиглэлийг нэмнэ. Энэ жил орон нутгийн есөн чиглэлд нислэг үйлддэг болсон. Орон нутгийн иргэдийн орон нутгийн нислэгээр нисэхийг уриалж байна. Суудал дүүргэлт цөөтэй аймгуудын нислэгийг цуцлах эрсдэлтэй. Алдагтай нислэг үйлдэх боломжгүй” гэв.