Шударга өрсөлдөөн, хэрэглэгчийн төлөө газрын орон нутаг дахь улсын байцаагчидтай өчигдөр агентлагийн дарга С.Ням-Эрдэнэ болон газрын дарга нар цахим хурал хийлээ. Хурлын эхэнд ШӨХТГ-ын дарга С.Ням-Эрдэнэ агентлагийн зүгээс хийж хэрэгжүүлж байгаа болон хэрэгжүүлэхээр төлөвлөж байгаа ажлын талаар товч танилцуулав. Орон нутаг дахь улсын байцаагчид хийж, хэрэгжүүлсэн ажлаа танилцуулж, тулгамдаж буй асуудал болон агентлагийн зүгээс анхааралдаа авч шийдвэрлүүлэх санал хүсэлтээ уламжиллаа.

    Мөн хурлын үеэр хяналт, шалгалт болон бусад хийгдэх ажлын талаар холбогдох нэгжийн дарга нараас мэргэжил арга зүйн зөвлөгөө авч санал солилцлоо. Хурлын төгсгөлд агентлагийн даргаас орон нутаг дахь улсын байцаагчдын тавьсан санал, санаачилгыг хэрэгжүүлж, албан хаагчдаа чадавхжуулах зэргээр дэмжин ажиллахаа илэрхийллээ.