Үерийн эрсдэлтэй бүсэд байгаа “Aqua garden” хотхоны хоёр блок барилгыг албадан буулгах захирамжийг танилцууллаа. Энэ үеэр Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн мэдээлэл өглөө.

       Тэрбээр “Үерийн эрсдэлтэй бүсэд барилга барьсан “Aqua garden” хотхоны хоёр блок барилгыг нураах шийдвэр гаргасан. Нийт 29094 мкв газраас 7844 мкв хэсгийг нь хасаж шийдвэрлэсэн. Байгаль орчны ахлах байцаагчийн газар чөлөөл дүгнэлт гаргасан 7844 мкв хэсэгт барьсан “Aqua garden” хотхоны хоёр блок хамаарч байгаа. Энэ барилгад миний сонссоноор 500 гаруй иргэн захилга өгсөн. Иргэд, байгууллагын хохироохгүй байх үүднээс уулзалт хийсэн. Иргэдийн хохирлыг төсвөөс авч барагдуулна. Гэхдээ бид эргээд хохирлыг барагдуулж төрийг хохиролгүй болгоно. Барилгын зөвшөөрөл нь ямар байдлаар компанид ирсэн  нь судлагдаад тодорхой болно. Миний хувьд Монгол Улсад 24 давхар барилга нурааж байсан туршлага байхгүй гэж бодож байна. Энэ асуудлыг мэргэжлийн байгууллага шийдвэрлэгдэнэ" гэв.