Говь-Алтай аймгийн ЗООНОЗ өвчин судлалын төвийн дарга  Р.Наранбаатар  Цээл сум дахь тарваган тахал өвчний тохиолдолтой холбоотой мэдээлэл өглөө.

           Тэрбээр  “Энэ оны наймдугаар сарын 29-ны өдөр 14 цагийн үед "Шалтгаан нь тодорхойгүй нас баралт бүртгэгдлээ" гэх дуудлагын дагуу ЗООНОЗ өвчин судлалын төв очиж ажилласан. Очиж авсан дээжүүдээ өнөөдөр шинжилгээнд өгнө. Нас барсан иргэн 15 настай Б наймдугаар сарын 21-ны өдөр малд явж байгаад хээрээс тарвага олоод гараараа барьж, нийт найман хүнтэй хувааж идсэн байсан. Наймдугаар сарын 26-наас өндөр халуурч байсан талаар сумын эрүүл мэндийн төвөөс өгсөн. Нэгдүгээр хавьталд орсон 16 хүнийг тусгаарлаж, хөл хорионд оруулсан. Хоёрдугаар хавьтлын тоо нэмэгдэх шинжтэй байгаа. Хамт идсэн найман хүнээс шинж тэмдэг илрээгүй байгаа. Аймгийн цагдаагийн газраас хөл хориог хянаж байгаа” гэв