Эрдэнэт хотын "Хүүхэд, залуучуудын театр"-ын уран бүтээлчдийн "Асаж буй толгод" хүүхдийн багт жүжиг Улаанбаатарын хүүхэд, багачуудад зориулан тоглогдоно.Тус  хүүхдийн багт жүжгийг Улаанбаатарт "The Corporate Event Hall"-н тайзнаа есдүгээр сарын 13-нд 11:00 , 15:00 цагуудаас ердөө хоёрхон удаа тоглохоор болжээ.

         Хүүхэд, залуучуудын театрын уран бүтээлчид эх нутагтаа үүсэж хөгжсөн, эртний үлэг гүрвэлийн түүхээс сэдэвчилсэн тоглолтоороо дамжуулан найз нөхдийн эрхэм харилцаа холбоо, нөхөрлөл ,гэр бүлийн үнэ цэн гэж чухам юу болохыг үзүүлэх аж.

        Мөн тоглолтын орлогоосоо  хүнд өвчинтэй тэмцэж байгаа Г. Гэгээн-Сондор охины эмчилгээний зардалд хандивлахаа мэдэгдээд байна. Халуун сэтгэлд гараа дэлгэн "АСАЖ БУЙ ТОЛГОД"-ыг анги, хамт олон, найз нөхдийн хамт үзэхийг урьж байна.Тоглолтын тасалбар Тиккэт.мн-ээр худалдаалагдаж эхэллээ.