Нийслэлийн Хан-Уул дүүргийн гуравдугаар хороо, автозамын уулзвар, автозамын зорчих хэсэгт экскаваторын хойд талаас мотоциклтой хүн мөргөн экскаваторын эд ангид хавчуулагдсан, цогцсыг гаргаж чадахгүй байна гэх дуудлага өнөөдөр Онцгой байдлын албанд  иржээ.

    Дуудлагын дагуу нийслэлийн Аврах ангийн алба хаагчдыг очиход иргэн О-ын “Хьюндай R210W-9” загварын экскаваторын хойд талаас “Кавасаки” загварын мотоцикл мөргөж, иргэн З 25 настай эрэгтэй экскаваторын хойд хэсэгт хавчуулагдан нас барсан байсан. Улмаар “Холматра”-гийн задаргааны багаж ашиглан цогцсыг гаргаж, тус дүүргийн Замын цагдаагийн хэлтсийн зохицуулагчид шилжүүлэн өгсөн.

Эх сурвалж: ОБЕГ