Сэлэнгэ аймгийн Сүхбаатар сумын Бор гүвээ багийн нэгдүгээр хэсэгт хөгжлийн бэрхшээлтэй иргэн утаанд угаартаж хөдөлж чадахгүй байна гэсэн дуудлагыг энэ сарын 23-ний 23:20 цагт хүлээн авсан.

   Сэлэнгэ аймгийн Онцгой байдлын газрын Гал түймэр унтраах, аврах 36 дугаар ангийн алба хаагчдыг очиход иргэн О-ын 15х8 метрийн хэмжээтэй байшинд цахилгаан тогоонд хоол залгаатай орхисноос О 48 настай эрэгтэй хөдлөх боломжгүй, угаартсан, А 10 настай эрэгтэй Э есөн настай, эмэгтэй, А зургаан настай эмэгтэй нар ухаан алдсан байдалтай байсныг утаажилтын бүсээс гаргаж, амь насыг нь авран хамгаалсан. Улмаар эмнэлгийн анхны тусламж үзүүлж аймгийн Нэгдсэн эмнэлгийн хүлээн авахын эмчид хүлээлгэн өгчээ.