НИТХ дахь ХҮН-ын төлөөлөгчид 177 тэрбум төгрөг "шатааж" агаарын бохирдлыг бууруулах төслийн талаар мэдээлэл хийж байна.

 ХҮН НАМЫН ЕНБД Д.ГАНТУЛГА:  100 мянган тонн шингэрүүлсэн нефтийн хий оруулж ирнэ гэж байна. Үүнтэй адилхан бүтээгдэхүүний сонголт бий.  Хэрэв төсвөөр санхүүжүүлэх гэж байгаа бол хагас коксон хамгийн оновчтой хувилбар гэдгийг танилцуулах ёстой.  2024 оны сонгуулийг угтсан түр зуурын асуудлыг түр намжаах гэсэн өөрөө хэлбэл мөнгө тараалтын шинэ хэлбэр болгож байна. Мөнгө тараалт нь төгс болоод иргэдийнхээ зовлон дээр тарааж байна гэх хардлага байна.  Үнэхээр ийм өндөр дүнтэй бол хэн нэгний шахаа яваад байгаа болов уу гэх ч хардлага төрөөд байна. Бид агаарын бохирдлын талаар ажиллаж байгаа эрдэмтдээ сонсох хэрэгтэй. Тиймээс тэдний дунд уралдаан зарлаж байна.

ХҮН НАМЫН ДЭРГЭДЭХ БОДЛОГО СУДАЛГААНЫ ХҮРЭЭЛЭНГИЙН ЗАХИРАЛ Б.ОТГОНТӨГС: Жил болгон л бид агаарын бохирдлын талаар ярьдаг. Энэ тал дээр судалгаатай, шинжлэх ухаанчаар хандах цаг нь болжээ.  Мөн энэ талаар судалгаа шинжилгээ, судалгаа хийх хүмүүсийг сонгон шалгаруулж авна. Тэдний мэдлэг чадварыг мөнгөөр урамшуулна. Ингэхдээ иргэдээс сайн дурын үндсэн дээр хөрөнгө босгоно.