Улаанбаатар хотод тарваган тахал өвчний тохиолдол бүртгэгджээ.

Тодруулбал, тарваган тахал илэрсэн иргэнийг ХӨСҮТ-д тусгаарлан, эмчилгээ хийж эхэлсэн байна. Мөн өвчтөний нэгдүгээр хавьтлын таван хүнийг тусгаарлаж, урьдчилан сэргийлэх эмчилгээ эхлүүлээд байгаа аж.

Тарваган тахал өвснөөс урьдчилан сэргийлэх зөвлөмж:

• Хууль тогтоомжид зааснаар тарвага агнах, тарваганы гаралтай түүхий эдийг худалдаалах, худалдан авах, тээвэрлэхгүй байх;
• Тарваганы дотор эрхтэн, махыг хэрэглэхгүй, гэртээ хадгалахгүй, хот, суурин газарт тээвэрлэж оруулахгүй байх; 
• Тарвага болон мэрэгч амьтны бөөс, бүүрэгт хазуулахаас сэргийлэх;
• Тарвагатай харьцсан, бөөс бүүрэгт хазуулсан, тарваганы арьс өвчсөн, мах эвдсэн болон идсэний дараа өндөр халуурах, толгой өвдөх, дотор эвгүйрхэх, нүүр нүд улайх, бүх бие, булчин өвдөх зэрэг шинж  тэмдэг илэрвэл эрүүл мэндийн байгууллагад яаралтай утсаар дуудлага өгнө үү.