2023 оны эхний долдугаар сард экспортолсон хар тугалганы хүдэр болон баяжмал, төмрийн хүдэр,  цайрын баяжмал болон түүхий нефтийг 100.0 хувь, зэсийн баяжмалын 99.9  хувийг, чулуун нүүрсний 98.9 хувийг  БНХАУ-д үхэр адууны боловсруулсан ширний 33.5 хувийг, ямааны самнасан ноолуурын 83.0 хувийг Италид, ямааны угаасан ноолуурыг 100.0 хувь БНХАУ-д тус тус экспортолж дээрхи нэрийн бараа нь экспортын нийт дүнгийн 85.1 хувийг эзлэж байна.

              Монгол улс дэлхийн 67 оронд бараа экспортлосноос  БНХАУ-д  91.8 хувь, Швейцар-т 3.7 хувь, БНСУ-д 1.4 хувь тус тус ногдож нийт экспортын  96.9 хувийг дээрх орнууд эзэлж байна.

Импортоор нийт 5023.8 сая ам.долларын бараа, түүхий эд оруулсан нь 2022 оны мөн үеэс 261.1 сая ам.доллараар буюу 5.5 хувиар өссөн байна.

        Импортоор нийлүүлэгдсэн барааны 96.1 хувийг валютын төлбөртэй худалдаа, 1.3 хувийг гадаадын зээлийн хөрөнгөөр нийлүүлсэн бараа, 0.5 хувийг гадаадын тусламжийн бараа, 1.5 хувийг гадаадын хөрөнгө оруулалтаар нийлүүлсэн бараа, 0.3 хувийг импорт эзэлж байна. 

         Импортоор нийлүүлэгдсэн барааны нийт дүнд машин механик тоног төхөөрөмж ба эд анги, цахилгаан хэрэгсэл, тэдгээрийн сэлбэг 915.9 сая ам.доллар буюу 18.2 хувь, эрдэс бүтээгдэхүүн 1211.2 сая ам.доллар  буюу 24.1 хувь, мал амьтан, ургамлын гаралтай бүтээгдэхүүн, хүнсний зүйл 548.6 сая ам.доллар буюу 20.6 хувьийг эзэлж байна. Мөн авто агаарын тээврийн хэрэгсэл тэдгээрийн эд анги 934.0 сая ам.доллар буюу 18.6 хувь, үндсэн төмөрлөг болон түүгээр хийсэн бүтээгдэхүүн 457.0 сая ам.доллар буюу 9.1 хувь, химийн болон түүнтэй холбоотой үйлдвэрийн бүтээгдэхүүн 279.2  сая ам. доллар буюу 5.6  хувийг тус тус  эзэлж, эдгээр бүтээгдэхүүнд нийт дүнгийн 82.8 хувь ногдож байна.

        Олон улсын санхүү, эдийн засгийн байгууллага, хандивлагч орны тусламжаар 23.8 сая ам.долларын бараа импортлосноос барааг   гарал   үүслийн   орноор   авч  үзэхэд БНХАУ-д 21.3 хувь, Япон-д 18.3 хувь, БНСУ-д 16.9 хувь, Турк-д 16.1 хувь тус тус ногдож байна.

    Тусламжийн барааг хандивлагч байгууллага, орноор нь ангилвал   АНУ-д 47.6 хувь, БНСУ-д 16.8 хувь, Японд 13.8 хувь ногдож байна.

       Олон улсын санхүү эдийн засгийн байгууллага, хандивлагч орны зээлээр 65.9 сая ам.долларын барааг тус улсад нийлүүлснээс барааг гарал  үүслийн улсаар нь авч үзвэл  БНХАУ-д 66.1 хувь,  БНСУ-д 8.7 хувь, Энэтхэгт 6.3 хувь, ОХУ-д 5.7 хувь тус тус ногдож байна.

Нийт зээлийн барааг  Засгийн газрын шугамаар оруулж иржээ. Уг зээлийн 58.3 хувийг АНУ-с, 22.5 хувийг БНХАУ-с,7.9 хувийг Энэтхэг-с тус тус олгожээ.

Нийт 76.8 сая ам.долларын бараа гадаадын хөрөнгө оруулалтаар нийлүүлэгдсэнээс барааг гарал үүслийн улсаар  авч үзвэл ОХУ-д 80.2 хувь, БНХАУ-д 13.4 хувь тус бүр ногдож байна.

       Манай улс дэлхийн 141 орноос гарал үүсэлтэй бараа импортлосноос БНХАУ-д 38.8 хувь,  ОХУ-д 27.1 хувь;  Япон-д 7.9 хувь, БНСУ-д 4.5 хувь,  АНУ-д 3.5 хувь тус тус ногдож байгаа нь нийт импортын дүнгийн 81.9 хувийг эзэлж байна.