"Нийслэлийн Хан-Уул дүүргийн 13 дугаар хороо Туул голын салаанд нэг хүний цогцос байна, гаргаж өгнө үү" гэсэн хүсэлтийг тус дүүргийн Цагдаагийн хоёрдугаар хэлтсээс наймдугаар сарын 6-ны өдрийн 16:32 цагт хүлээн авсан. Нийслэлийн Аврах ангийн алба хаагчдыг очиход хаяг, нэр тодорхойгүй 40-50 орчим насны эрэгтэй хүний цогцос Туул голын салаанд хайргадаж тогтсон байсныг 10 минут ажиллан гаргаж, Хан-Уул дүүргийн Цагдаагийн хоёрдугаар хэлтэст шилжүүлэн өгсөн байна.