Увс аймгийн Тариалан сумын Хөхөө багийн Бага-Улиас гэх газарт өчигдөр 22:00 цагийн орчим бага зэргийн бороо орсоны улмаас гурван хүүхэд аянганд цохиулсан тухай мэдээллийг тус өдрийн өдрийн 23:58 цагт хүлээн авсан. сумын Засаг даргын Тамгын газрын даргаар ахлуулсан ажилтнуудыг 23:00 цагт очиход, гэрийнхээ гадаа байсан 14 настай Э түлэгдсэн байдалтай ухаантай, 12 настай Э, 11 настай М нар нас барсан байсан. Э-д эмнэлгийн анхны тусламж үзүүлж аймгийн Нэгдсэн эмнэлэг рүү тээвэрлэж хүргэсэн талаар бид мэдээлсэн. Тэгвэл энэ талаар Увс аймгийн Тариалан сумын ЗДТГ-ын дарга Б.Мэнгээтэй холбогдоход "Малаа ялгаад гадаа сууж байсан гурван хүүхэд аянганд өртөж, хоёр хүүхэд нас барж, нэг хүүхэд аймгийн эмнэлэгт хүргүүлсэн. Одоогоор хүүхдүүдийн биеийн байдал гайгүй байна" гэв.