Увс аймгийн Ховд сумын Ачит нуур багийн Олон нуурын холбоо цоохор гэдэг газар наймдугаар сарын 1-ний өдрийн 23:00 цагийн орчимд  Олон нуурын холбоо цоохор гэдэг газраас Улаангом сумын чиглэлд суудлын автомашинаар зорчиж явсан иргэн Н нь бага насны хүүхдийнхээ хамт сураггүй болжээ. Ар гэрээс нь эрэн хайх ажиллагааг зохион байгуулсан бөгөөд Цоохорын-Адаг нуурын усанд автомашинтайгаа живсэн байж болзошгүй тухай дуудлагыг Онцгой байдлын ерөнхий газар наймдугаар сарын 3-ны өдрийн 10:36 цагт хүлээн авсан.

         Тус аймгийн Онцгой байдлын газрын Эрэн хайх, аврах салбарын алба хаагчид, Ховд сумын мэргэжлийн ангийнхан очиж, согтууруулах ундаа хэрэглэсэн 33 настай эрэгтэй Н, таван настай эмэгтэй Н нарыг эрэн хайх ажиллагааг эхлүүлсэн. Мөн өдрийн 20:23 цагт иргэн Н-ийн цогцсыг Цоохорын-Адаг нуураас,  21:50 цагт  Э-ийн цогцсыг нуурын автомашины бүхээг дотроос тус тус олж, гарган Ховд сум дахь Цагдаагийн хэсэгт шилжүүлэн өгчээ.