Нийслэлийн хэмжээнд эзэнгүй нохой, муурын устгалыг тогтмол зохион байгуулдаг. Энэ жилийн эзэнгүй нохой муурны устгалын үйл ажиллагааны талаар Эрүүл мэнд нийгмийн бодлогын хүрээлэн ТББ-ын тэргүүн А.Нямдоржоос тодрууллаа.

    Тэрбээр “Улаанбаатар хот гурван нохой, муур устгалын компанитай гэрээтэй ажилладаг. Баянгол, Чингэлтэй дүүрэгт “Их булаг Атүк” ХХК, Сүхбаатар, Баянзүрх дүүрэгт “Базалт нэгдэл” ХХК, Хан-Уул, Налайх, Сонгинохайрхан дүүрэгт “Өлтэ” ХХК гэсэн компани хариуцдаг. Багануур, Багахангай дүүрэг тусдаа компаниудтай гэрээтэй ажилладаг. Энэ оны долдугаар сарын 30-ны өдрийн байдлаар 49 мянган нохой, муурыг устгалд оруулсан байна. Ер нь сард 100 гаруй нохой, муур устгадаг. Дүүрэг бүр нохой, муур устгалын газартайгаа хамтран ажиллаж, мэдээлэл өгдөг. Айл нүүсний дараа золбин нохой, муурын тоо нэмэгддэг. Хүн, нохой хазсан, галзуурсан нохой болон подвалд үүрлэж, үржсэн муурыг дуудлагаар устгадаг. Тиймээс ямар нэгэн байдлаар зориуд айлын хашаанд уяатай байгаа нохойг буудахгүй. Нэг нохой, муурыг 12 мянган төгрөгөөр устгадаг” гэв.