Говь-Алтай аймгийн түүхт 100 жилийн ойн баяр наадам  боллоо. Наадмын үеэр Соёлын сайд Ч.Номин гэр бүлийнхээ зүгээс Говь-Алтай аймгийн бүх сумын сургуульд “Старлинк” сансрын интернэт төхөөрөмжийг бэлэглэсэн. Ингээд тус төхөөрөмжийг гардан авсан Бугат сумын ерөнхий боловсролын сургуулийн захирал Я.Цэрэндолгортой холбогдож тодрууллаа.

       Тэрбээр “Орон нутгийн сургуульд хамгийн хэрэгтэй төхөөрөмж юм билээ. Манай сургуулийн багш нар хоёр цахим систем дээр ажилладаг. Сургуулийн орчин учир интернэт сүлжээ ашиглах хүн олон бий. Тэр хэрээрээ сүлжээ унаж, систем гацдаг байсан. “Старлинк” сансрын интернэт төхөөрөмжийг ашигласнаар хурдан, гацалтгүй цахим сүлжээг багш, хүүхдүүд ашиглах боломжтой болсонд баяртай байна. Төхөөрөмжид сар бүрийн хураамж гэж 99 ам.доллар буюу 200  мянган төгрөг төлөх юм билээ” гэв.