Ховд аймагт наймдугаар сарын 2-нд уулархаг нутгаар богино хугацаанд хүчтэй аадар бороо орсны улмаас улсын чанартай авто замын А0305 дугаартай Ховд-Өлгий чиглэлийн авто замын зорчих хэсэгт буюу Шургын гүүр орчимд дөрвөн газарт үерийн ус зам давсан байна.

        Мөн Улсын чанартай авто замын А14 дугаартай Булган улсын хил чиглэл, Хавчигийн хавцалд дөрвөн газарт  уулын чулуу бууж зам хаажээ. Тус чиглэлд шуурхай ажиллаж үерт боогдсон зорчигч нарт анхны тусламж үзүүлэн холбогдох байгууллагад шилжүүлээд байна.

Сумын удирдлага, онцгой байдлын тасагтай хамтран Ерөнхий инженер болон техник,  шуурхай ажлын хэсэг гаргаад байгаа аж.