Хууль зүй, дотоод хэргийн сайд Х.Нямбаатарын тушаалаар хоригдлууд шарилж устгаж байгаа гэх мэдээлэл цахим сүлжээнд түгээд байна. Үүнтэй холбоотойгоор Улаанбаатар хотын Захирагчийн ажлын алба, орчны бохирдол, хог хаягдлын удирдах хэлтсийн дарга Б.Мөнх-Эрдэнэтэй холбогдож тодрууллаа.

        Тэрбээр “Өнөөдрөөс шарилж устгалын ажил эхэлж байгаа. Хууль зүй, дотоод хэргийн сайд Х.Нямбаатарын А/270 дугаар тушаалаар 200 хоригдлоор шарилж түүлгэх, устгуулах ажил хийлгэж байна. Нийслэлээс хэрэгжүүлдэг “Шарилжгүй Улаанбаатар” аян энэ сарын 20-ныг хүртэл үргэлжилнэ. Аяны хүрээнд 120 сайн дурын иргэн оролцож, нийт 893 мянган га талбайд шарилж устгалын ажил хийхээр төлөвлөж байна. Энэ ажил нийслэлийн төвийн зургаан дүүргийн 24 байршилд хийгдэнэ. Шарилж устгахад  хэрэгтэй маск, бээлий, цахилгаан болон гар хадуур, тармуур зэрэг бүх багаж, техникээр хангана. Шарилжийн хогийг тохижилт үйлчилгээний газраас хариуцаж байгаа” гэв.