Өвөрхангай аймгийн Хайрхандулаан суманд 32 настай эмэгтэй хүүтэйгээ уруйн үерт өртөж нас баржээ. Тодруулбал, тус сумын Эмээлт багийн Баатарын даваа гэдэг газар наймдугаар сарын 1-ний өдрийн 18:00-20:00 цагийн хооронд усархаг аадар бороо орж уруйн үер буусны улмаас хоёр хүн гэртэйгээ үерийн усанд урсаж нас барсан тухай дуудлагыг 20:50 цагт аймгийн Онцгой байдлын газар хүлээн авчээ.

                Тус аймгийн Онцгой байдлын газрын алба хаагчдыг очиход иргэн 32 настай эмэгтэй Б,хоёр настай эрэгтэй Б  нар гэртэйгээ урсаж нас барсан байсан тул Хайрхандулаан сумын Засаг даргын Тамгын газрын ажилтнууд, ар гэрийнхэн ажиллаж иргэн эмэгтэй н цогцсыг 20:30 цагт гэрээс нь урд зүгт 300 метрээс олсон. Хүүгийн цогцсыг эрэн хайх ажиллагаа  зохион байгуулж наймдугаар сарын 02-ны өдрийн 06:07 цагт гэрээс нь урд зүгт 1.5 километрээс олж Цагдаагийн байгууллагад шилжүүлэн өгсөн.