“Д.Урианхай судлал" академийн гүйцэтгэх захирал, сэтгүүлч, редактор Гомбосүрэнгийн Ариунчимэг 2023 оны долдугаар сарын 29-ний өдөр хорвоогийн мөнх бусыг үзүүллээ.

    Тэрээр Монголын сэтгүүл зүй салбар болон Говийн догшин хутагт Дулдуйтын Данзанравжаагийн бүтээлүүдийг нийтэд түгээх, судалгаа эрдэм шинжилгээний чиглэлээр олон жил зүтгэл гарган ажиллаж, арвин их ажлыг өрнүүлсэн бөгөөд 2011 оноос Монголын нэрт бичгийн хүн “Азийн утга зохиолын анхны шагналт “Д.Урианхайн зохиол, бүтээлийн нүсэр өвийг шинжлэх ухааны судалгаа, шинжилгээний эргэлтэд оруулах, орчин үеийн академик судалгааны чиг хандлага, онол-практикийн түвшинд бүрэн судлуулах, зохиогчийн эрх, өвийг хамгаалах, одоо, ирээдүйд тогтмол, тууштай сурталчлах зорилгоор “Д.Урианхай судлал" академийг санаачлан үүсгэн байгуулалцаж, өнгөрсөн хугацаанд Д.Урианхайн бүтээлүүдийг нэгтгэсэн эхний 10 ботийг “ Монгол сан“-тай хамтран хэвлүүлэх ажлыг гардан гүйцэтгэж, зохиолчийн “Ёст хаан Аригбөх” релятив түүхэн сэтгэмжит хоёр боть диалоги -роман, “ Цаг хугацааны мөнх бус руу инээмсэглэгсэд “Кино-роман”, “Тайз дэлгэцийн контемпорари бүтээлүүд”, реалист болон абсурд жүжгүүдийн ном, “ Бодь сэтгэл, Эв хамт ёс “-ганцаарчилсан хөдөлгөөний үзэл бодлын онол”-ын дөрөвдүгээр дэвтэр, “Ачит айдас”, ”Тугалын зүүд” зэрэг номыг редакторлан уншигчдын хүртээл болгосон монгол хэлтний уран зохиолын гарамгай редакторуудын нэг байсан юм.

Талийгаачийн  гэр бүл, төрөл төрөгсөд, найз нөхөд бүхэнд  гүн эмгэнэл илэрхийлье.