Хэнтий аймгийн 100 жилийн наадмын их насны морьдын уралдаанд түрүүлсэн Хөвсгөл аймгийн уяач Б.Отгонсэлэнгийн ажнайг тодорхойгүй шалтгаанаар хассан. Тэгсэн ч наадамчин олон түүнийг морио цоллуулах эрхтэй гэж цэнгэлдэх хүрээлэн лүү оруулсан ч морийг цоллоогүй юм.

       Энэ талаараа уяач Б.Отгонсэлэнгэ “Намайг морины комисс дээр нь очиход Шүүхийн шийдвэрийн  дарга  Д.Хатанбаатар гэх хүн хойморт нь суучихсан намайг “Хэний наадамд уралдаж байгаагаа мэдэж байна уу, морио аваад зайл” гэж байсан. Гэтэл өөрийнхөө нэр дээр тод манлай уяачийн морийг уралдуулсан байсан. Тэгээд түрүүлүүлэхийн тулд миний морийг хассан юм билээ” гэх тайлбарыг өгөөд байгаа билээ.

ТЭГВЭЛ ШҮҮХИЙН ШИЙДВЭР ГҮЙЦЭТГЭХ ГАЗАР-419 ДҮГЭЭР НЭЭЛТТЭЙ ХОРИХ АНГИЙН ДАРГА, ХУРАНДАА Д.ХАТАНБААТАР ГЭЖ ХЭН БЭ

Хурандаа Д.Хатанбаатар нь:

• 1999-2005 онд Хэнтий аймгийн Цагдаагийн газрын хэв журмын тасагт цагдаа,
• 2005-2009 онд сонсогч,
• 2009-2014 онд Хэнтий аймгийн Цагдаагийн газрын Эрүүгийн цагдаагийн тасагт эрүүгийн төлөөлөгч,
• 2014-2015 онд Тахарын ерөнхий газарт ахлах мэргэжилтэн,
• 2015-2016 онд Хэнтий аймгийн Тахарын газрын дарга,
• 2016-2017 онд Хэнтий аймгийн Цагдаагийн газрын Шүүх, шүүгчийн аюулгүй байдлыг хангах хэсгийн даргаар ажиллаж байгаад Шүүхийн шийдвэр гүйцэтгэх ерөнхий газрын даргын 2017 оны есдүгээр сарын 01-ний өдрийн б/985 дугаар тушаалаар Шүүхийн шийдвэр гүйцэтгэх ерөнхий газрын Хорих ял эдлүүлэх албаны Шуурхай удирдлага хяналтын төвийн дарга,
• 2018 оны наймдугаар сарын 13-ны өдрийн б/1020 дугаар тушаалаар Хэнтий аймаг дахь Шүүхийн шийдвэр гүйцэтгэх газар-419 дүгээр нээлттэй хорих ангийн даргаар томилогдож, Улсад 23 жил, Шүүхийн шийдвэр гүйцэтгэх байгууллагад зургаа дахь жилдээ ажиллаж байгаа аж.

Тэгвэл түүний 2022 онд өгч байсан хөрөнгө орлогын мэдүүлгийг танилцуулж байна.

Байгууллага: Хорих 419-р анги Хэнтий

Албан тушаал: Албаны дарга (ТТ15)

Тайлант он: 2022

Нийт орлого: 23.546.000 төгрөг

Гэр бүлийн орлого: 93.100.000 төгрөг

Нийтийн орон сууц: /тоогоор/:  1

Орон сууц, барилга байгууламж нийт дүн: 60,000,000₮

Тээврийн хэрэгсэл: Суудлын жижиг машин,Toyota, Prius- 1

Тээврийн хэрэгсэл нийт дүн: 13,000,000₮

Мал, аж ахуй: Үхэр-40, Адуу-76, Хонь-1150

Мал, аж ахуй нийт дүн: 126,800,000 төгрөг

Газар нийт дүн: 38,000,000₮

Дотоодын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн: 20,201,000 төгрөг

Зээл: Хаан банк, хаан банк

Зээл нийт дүн: 70,900,000 төгрөг

Хөрөнгө оруулалт:  Эрдэнэс таван толгой ХК, ЭТТолгой ХК, ЭТТолгой ХК ( 750ш, 214ш, 1072шш)