Шударга өрсөлдөөн, хэрэглэгчийн төлөө газрын “Хэрэглэгчийн мэдээллийн 115 төв”-д нийт 62 иргэн хандсанаас 115 утсанд 44, чатботод найм, и баримт апликейшн долоо, Засгийн газрын иргэд олон нийттэй харилцах “11-11” төвөөс гурван гомдол мэдээлэл ирсэн бөгөөд 45 иргэнд зөвлөгөө мэдээлэл өгч, хоёр иргэний гомдлыг санал, хүсэлтээр хүлээн авч, гурван иргэний гомдол, мэдээлэл судлагдаж хариу өгөхөөр хүлээгдэж, 12 иргэний гомдлыг эцэслэн шийдвэрлэсэн байна.   

    Үүнээс 12 иргэний барааг шинээр сольж өгөх, засвар үйлчилгээ үзүүлэх болон иргэний гомдлыг бусад байдлаар ирүүлсэн шуурхай шийдвэрлэж 2,125,000 төгрөгийн мөнгөн хохирол барагдуулсан байна.   

     Ирүүлсэн гомдлыг салбараар нь авч үзвэл худалдаа үйлчилгээ 21, харилцаа холбоо долоон, хөдөлмөр нийгмийн халамж үйлчилгээ хоёр, цахилгаан нэг, банк, санхүү, даатгал дөрөв, барилга гурав, боловсрол гурав, контор тав, нийслэл төрийн үйлчилгээтэй холбоотой нэг,  СӨХ хоёр, өрсөлдөөн нэг, НӨАТ хоёр, шатахуун нэг, бусад асуудлаар есөн  иргэн хандсан байна.