Шүүхийн ерөнхий зөвлөлөөс цаг үеийн асуудлаар мэдээлэл хийлээ.

          Шүүхийн статистик хариуцсан референт Э.Ганцэцэг “Нүүрсний гэх хэргийн тухайд Нийслэлийн прокурорын газраас 63 хүнд холбогдох найман хэргийг Эрүүгийн хэргийн анхан шатны шүүхэд хүлээн авсан байна. Үүнээс 33 хүнд холбогдох таван хэргийг анхан шатны шүүхэд хянан шийдвэрлэж, 30 хүнд холбогдох гурван хэрэг хянан шийдвэрлэх ажиллагаанд байна. Харин давж заалдах шатны шүүхэд арван хүнд холбогдох хоёр хэрэг ирснээс таван хүнд холбогдох нэг хэргийг шийдвэрлэж, таван хүнд холбогдох хэрэг нь хянан шийдвэрлэх шатанд байна. Түүнчлэн нүүрсний гэх хэрэгт холбогдуулан 37 хүнд таслан сэргийлэх арга хэмжээ авч, давхардсан тоогоор зургаан хүнд тодорхой үйл ажиллагаа явуулах, албан үүргээ биелүүлэхийг түдгэлзүүлэх, 26 хүнд хязгаарлалт тогтоох, 16 хүнд цагдан хорих арга хэмжээ тус тус авсан байна” гэлээ.