Шударга өрсөлдөөн, хэрэглэгчийн төлөө газрын “Хэрэглэгчийн мэдээллийн 115 төв”-д нийт 88 иргэн хандсанаас 115 утсанд 67, чатботод ес, и баримт апликейшн тав, Засгийн газрын иргэд олон нийттэй харилцах “11-11” төвөөс долоон гомдол мэдээлэл ирсэн бөгөөд 35 иргэнд зөвлөгөө мэдээлэл өгч, гурван иргэний гомдлыг санал, хүсэлтээр хүлээн авч, 19 иргэний гомдол, мэдээлэл судлагдаж хариу өгөхөөр хүлээгдэж, 18 иргэний гомдлыг эцэслэн шийдвэрлэсэн байна.  

   Үүнээс 18 иргэний барааг шинээр сольж өгөх, засвар үйлчилгээ үзүүлэх болон иргэний гомдлыг бусад байдлаар ирүүлсэн шуурхай шийдвэрлэж 2,269,700 төгрөгийн мөнгөн хохирол барагдуулсан байна.  

   Ирүүлсэн гомдлыг салбараар нь авч үзвэл худалдаа үйлчилгээ 28, харилцаа холбоо 15, хөдөлмөр нийгмийн халамж үйлчилгээ дөрөв, цахилгаан дөрөв, банк, санхүү, даатгал таван, барилга дөрөв, боловсрол нэг, контор дөрөв, түрээс хоёр, нийслэл төрийн үйлчилгээтэй холбоотой хоёр,  СӨХ тав, шатахуун гурав НӨАТ зургаа, эрүүл мэнд нэг, бусад асуудлаар дөрөв  иргэн хандсан байна.