Монгол Улсын Шадар сайд С.Амарсайхан өнөөдөр аймгуудын Засаг дарга нартай цахим хурал хийж, үер усны болзошгүй эрсдэлээс сэргийлж ажиллахыг үүрэг болголоо.

Тэрбээр “Долдугаар сар гарснаас хойш Монгол орны нийт нутгаар үргэлжилсэн, дуу цахилгаантай бороо орсноос томоохон гол мөрнүүд үерлэж, аюулын түвшнийг давж, зарим газрууд үерийн далангаа давж байна.

Үерийн улмаас долоон хүн нас бар, 600 гаруй айл өрхийн гэр, байшин усанд автаж, 1500 гаруй толгой мал хорогдож, усанд урсжээ.

Сэлэнгэ аймгийн Мандал сум-1

Баянхонгор аймгийн Баян-Өндөр сум-4

Төв аймгийн Борнуур сум-2 иргэн амиа алдсан байна.

     Улсын зургаан автозамд эвдрэл гэмтэл үүссэн бол төмөр замын 559, 569, 583, 916, 925 километрт эвдрэл үүссэнийг Улаанбаатар төмөр замын засварчид хоёр хоног ажилласнаар аюулгүй болгосон. Иймээс цаашид орон нутгийн удирдлагуудыг үерээс хамгаалах далан, суваг шуудууны цэвэрлэгээг сайтар хийж, орон нутагтаа аюулгүй байдлыг хангаж ажиллахыг үүрэг болголоо" гэв.