Нийслэлд өнөөдөр их хэмжээний бороо орж, зарим газраар үерлэн ус тогтоод байна. Тэгвэл үүнтэй холбоотойгоор гэр, байшин, орон сууцны хорооллын байрны В1 буюу гараашийн давхар усанд автсан 85 дуудлага, мэдээлэл ОБЕГ-т бүртгэгджээ. Бүртгэгдсэн нийт дуудлагын олонх нь Хан-Уул, Баянзүрх дүүргээс ирсэн бөгөөд Онцгой байдлын албан хаагчид дуудлагын дагуу үүрэг гүйцэтгэж байгаа аж.

Иймд болзошгүй үер, усны аюулаас болгоомжлохыг холбогдох байгууллагаас анхааруулж байна.