"Монгол Улсад үйл ажиллагаа явуулж буй бүх караокед нэр бүхий дууг дуулахыг хасах, хориглох тухай тогтоолын төслийг Засгийн газрын хуралдаанаар хэлэлцүүлэх гэж байна. Соёлын бүтээгдэхүүнийг арилжааны зорилгоор ашигласан тохиолдол бүрээс уран бүтээлч, дуучин тодорхой хувь авч орлогожих боломжийг бий болгоно” гэх мэдээлэл олон нийтийн сүлжээгээр цацагдсан.

    Энэ талаар Соёлын сайдын Хэвлэл мэдээллийн ажилтан Б.Сэргэлэнгээс тодрууллаа. Тэрбээр”Соёлын бүтээлч үйлдвэрлэлийг дэмжих тухай хуулийн төслийг боловсруулж, УИХ-ын чуулганы нэгдсэн хуралдаанаар хэлэлцэгдэхээр дэмжигдсэн. Хэрвээ хуулийн төсөл батлагдах юм бол ямар нэгэн дуучны дууг караокед дуулах, олон нийтийн газарт тоглуулах, соёлын бүтээгдэхүүнийг арилжааны зорилгоор ашигласан тохиолдолд уран бүтээлч болон дуучинд тодорхой хувь олгох боломжийг бий болгоно. Харин караокед нэр бүхий уран бүтээлчийн дуу дуулахыг хориглоно гэдэг нь худал мэдээлэл” гэв.