Тулгар төрийн 2232 жил, Их Монгол Улсын 817 жил, Үндэсний эрх чөлөө тусгаар тогтнолоо сэргээн мандуулсны 112 жил, Ардын хувьсгалын 102 жилийн ой, Үндэсний их баяр наадмын бөхийн барилдаан дуусаж, Архангай аймгийн Цэнхэр сумын харьяат М.Бадарч ес давж, улсын арслан болсон билээ. Энэ талаар дархан аварга Г.Өсөх баяр сэтгэгдлээ хуваалцлаа.

Тэрбээр “Наадам сайхан боллоо. Нутгийн хүү М.Бадарч урантай сайхан барилдлаа. Эхний даваанаасаа эхлээд өөртөө итгэлтэй сайхан барилдлаа. Энэ жилийн бэлтгэл сургуулилалт сан байсан. Бид ийм хэмжээнд барилдана гэсэн төсөөлөлтэй , өөрт нь итгэл суулгасан байсан. М.Бадарч улсын арслан цол хүртлээ. Өвөрхангай аймгийн харьяат Ц.Бямба-Отгон үнэхээр сайхан барилдаан үзүүллээ. Архангай, Өвөрхангайн бөхчүүд сайхан барилдаан үзүүллээ. Сайхан сэтгэгдэлтэй байна, наадамчин олондоо баярлалаа. Архангай аймгийн түүхэн ойдоо том бэлэгтэй очих болсондоо баяртай байна” гэв.