Тулгар төрийн 2232 жил, Их Монгол Улсын 817 жил, Үндэсний эрх чөлөө тусгаар тогтнолоо сэргээн мандуулсны 112 жил, Ардын хувьсгалын 102 жилийн ой, Үндэсний их баяр наадмын хүчит 512 бөхийн барилдаанд зургаа давж харцага цолтон болсон Г.Ганхуяг баяр наадмын сэтгэгдлээ хуваалцлаа.

     Тэрбээр “Төрүүлж, өсгөсөн аав ээждээ, тусалж, дэмжсэн бүх хүмүүстээ, бүх багш нартаа баярлалаа. Санасан зорьсноо хийгээд барилдъя гэсэн бодолтой гарсан баяртай байна. Энэ жил Ховд нутгийнхаа бөхчүүдтэй бэлтгэл сургуулилалтад гарсан. Ер нь энэ жилийн бэлтгэл сургуулилалт сайн байсан, улсын харцага цолтон болсондоо баяртай байна"гэв.