Хүннү гүрний 2232, Их Монгол улсын 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ойн баяр цэнгэл наадмын нээлтийн ажиллагаа боллоо.  Энэ үеэр Монгол Улсын ардын жүжигчин Б.Жаргалсайхан баяр наадмын сэтгэгдлээ хуваалцлаа.

Тэрбээр “Үзэгчдэдээ үндэсний их баяр наадмын мэнд дэвшүүлье. Монголчуудын хэлдгээр нартай, хуртай сайхан наадам болж байна. Энэ жилийн наадмын нээлт, хаалтын үйл ажиллагааг залуу уран бүтээлчид хийж, ерөнхий найруулагчаар Б.Анар ажилсан онцлог жил боллоо.  Залуус минь хийж чадаж байна. Дэлхийн өнцөг булан бүрд сурч, ажиллаж байгаа монголчууддаа үндэсний их баяр наадмын мэнд дэвшүүлье” гэв