Тулгар төрийн 2232, Их Монгол Улс байгуулагдсаны 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын Их насны  уралдаан боллоо. Уралдаанд Хөвсгөл аймгийн Галт сумын харьяат уяач Б.Отгонсэлэнгийн хурдан саарал ажнай орж, түрүүллээ. Хурдан саарал нь өнгөрсөн жилийн Үндэсний их баяр наадамд соёолон насанд мөн түрүүлж, улсын наадмын түрүү авч байжээ. Их насны Аман хүзүүнд Говьсүмбэр аймгийн Сүмбэр сумын харьяат уяач Баттөгсийн загал орлоо.